Hər il olduğu kimi liseyimizdə “Bilik Günü” xüsusi ruh yüksəkliyi ilə qeyd olundu.
Açılış mərasimində çıxış edən liseyin direktoru M.Vəliyeva təhsil işçilərini , liseyin müəllim və şagird kollektivini təbrik etdi. Liseyin ötən tədris ilində qazandıqları uğurlardan danışan M.Vəliyeva qarşıda gələn tədris ilinin də uğurlu olacağına inandığını bildirdi.
Tədbirdə iştirak edən rəsmi qonaqlar da yüksək göstəricilər əldə etmiş liseyin kollektivini təbrik etdilər və uğurlarının davamlı olmasını dilədilər.
Səslənən ilk zəng sədası elmin sirlərinə yiyələnməyi səbirsizliklə gözləyən şagirdləri sinif otaqlarına dəvət etdi.
