Martın 9-da Akademik Zərifə Əliyeva adına orta məktəbdə MİRAS Mədəni İrsin Öyrənilməsinə Kömək İctimai Birliyinin təşkilatçılığı ilə “Azərbaycanın son orta əsr şəhər mədəniyyəti və orta əsr Ağsu şəhəri” mövzusunda növbəti seminar keçirilmişdir.
Seminarın məqsədi Vətənimizin qədim tarixi və zəngin mədəni irsi haqqında şagirdlərə məlumat vermək, bilik və dünyagörüşünün hərtərəfli inkişafına, mədəniyyət ocaqlarına marağın artmasına kömək göstərmək, bu sahədəki problemləri müəyyən etmək idi.
Tədbirdə Ağsu arxeoloji ekspedisiyasının üzvləri, mütəxəssislər məruzə ilə çıxış etdilər. Həmçinin, “Ağsu şəhəri orta əsrlərdə” 3D filmi nümayiş etdirildi, mövzuya dair diskussiya aparıldı. Fərqlənən şagirdlər mükafatlandırılmışdır.
Azərbaycanın son orta əsr şəhər mədəniyyəti və orta əsr Ağsu şəhəri
09 Mart 2011
