Dekabrın 18-də 6 nömrəli məktəb- liseydə dahi şair M.Y.Lermontovun 200 illik yubileyinə həsr olunmuş növbəti silsilə tədbir keçirildi. Həmin gün 6 və 23 nömrəli məktəblərin, “Zəngi” və Akademik Zərifə Əliyeva adına liseyin şagirdləri “İfadəli oxu” və “Teatrlaşdırılmış səhnəcik” nominasiyalarında çıxış etdilər. Akademik Zərifə Əliyeva adına liseyin IX-XI sinif şagirdləri A.Ağayev, S.Nəcəfov, F.Əlizadə, M.Süleymanov, M.Zeynalov, T.Şıxəliyeva, Z.Şahverdiyev, E.Əhmədova, K.Eyvazlı liseyin rus dili və ədəbiyyatı müəllimləri M. Mustafayeva və A. Hacıyevanın rəhbərliyi ilə “Mənim əzabkeş qəlbim” əsərini səhnələşdirmiş, XI sinif şagirdləri N.Şıxəliyeva “Valerik”, Z.Şahverdiyev “Yola tənha çıxdım”, “Həm darıxdırıcı, həm kədərli” şeirlərini ifadəli oxumuşlar.
Müsabiqənin ümumi nəticəsinə görə N.Şıxəliyeva “İfadəli oxu” nominasiyasında birinci, IX-XI sinif şagirdləri “Teatrlaşdırılmış səhnəcik” nominasiyasında ikinci yerə layiq görülmüşdür.
