Qafqaz Universitetinə ekskursiya
06 Fevral 2014
6 fevral 2014-cü il tarixində liseyimizin bir qrup şagird və müəllim heyəti Qafqaz Universiteti ilə tanışlıq üçün ekskursiyaya yollandı. Qafqaz Universitetində ekskursiya ilk olaraq konfrans zalından başladı. Şagirdlərə Ahmet Saniç tərəfindən geniş məlumatlar verildi, konfransın sonlarına doğru sualları cavablandırıldı və daha sonra Universitetin əsas korpusunda kompyuter və informasiya texnologiyaları laboratoriyasını gəzdilər. Günortaya doğru nahar fasiləsi oldu və daha sonra isə iqtisadiyyat korpusuna gəzinti şagirdlərin Universitet haqqında məlumatını artırdı. Bu, Universitetdə tələbələrə olan qayğının nə dərəcədə yaxşı və səmimi olduğunun şahidi oldular. Şagirdlər gələcəkdə Qafqaz Universitetində təhsil almaq arzusu ilə oradan ayrıldılar.
