Bu gün Akademik Zərifə Əliyeva adına liseydə Ümummilli lider Heydər Əliyevin əziz xatirəsi yad edildi. Belə ki, liseyimizde bügünkü dərs gününün ilk saatları Ulu öndər Heydər Əliyevin həyat və fəaliyyətinə, onun Azərbaycan tarixindəki misilsiz xidmətlərinə həsr edildi. Fənn müəllimləri şagirdlərə dahi şəxsiyyətin zəngin dövlət idarəçiliyi təcrübəsindən, onun həyatının ən ağır anlarında belə doğma xalqına necə misilsiz sədaqətlə, cəsarətlə xidmət etməsindən geniş və ətraflı məlumat verdilər. Daha sonra şagirdlərə Ümummilli lider Heydər Əliyev haqqında çəkilən filmlər nümayiş etdirildi.
